話說之前曾經介紹過一間在曼谷 Ekkamai 和 Thong Lor 之間的大牌檔，裡面售賣超多蟹肉的炒蛋，但因為檔口旁邊就是條污水渠，環境不是太好，很多朋友都望門輕嘆。不過現在有好消息，這檔已搬入室內舖，環境乾淨整齊，價錢卻無大改變，一齊去睇睇！ 

先講環境，上圖是舊檔口環境，下圖是新店環境，差別有幾大應該一目瞭然！

新店入面有冷氣，更有樓上雅座，門口是大廚煮嘢食的地方，所以室內也不會有油煙味，同舊檔在坑渠邊確係不可同日而語，環境理想。

最主打的食物就係用份量超多的蟹肉來炒蛋，兼且可做成不同的菜式，包括炒飯炒麵等等。

味道好之餘價錢亦沒有大變，食客有不少是泰國人，是姐輝之外另一個同類型餐廳選擇。

新店地址不在 BTS 附近，從 Ekkamai 坐的士來要10分鐘左右。

如果你是蟹肉炒蛋狂熱份子一定要來試試！