豬手飯一直都係人間極品，幾十銖就可以食到，入口即融，地道草根。在清邁就有這間小店，加上老闆亦係動漫公仔發燒友，店內超多得意公仔，下次來到清邁一定要試試！

有人喜歡講豬手飯，又有人說是豬腳飯先啱，計我話就無所謂啦，好食就得。今次冬蔭妹妹帶大家來到古城外，塔佩門直出，穿過 Ping 河只係10分鐘車程的這間小店，就有這碗只係60銖的豬手飯。

一碟豬手炆得剛剛好，肉有肥有瘦，旁邊配隻滷水蛋，人間美食夫復何求！廚房一大鍋豬手慢煮，滷到入晒味，肉質軟嫩，連冬蔭妹妹呢個地道清邁人都話正。除了豬手飯，也有魚肉羹，十分足料。最令人舒服的是店鋪環境，企理乾淨，足證老闆一絲不苟的用心。

而且店內都是老闆的珍藏，放滿動漫公仔，同樣排列整齊，睇得出真係逐隻逐隻慢慢排上去。所以話一處用心，其他地方亦如是觀，豬手飯又點會唔好食吖?

招牌大大個，相當易搵。

座標：18.7868359,99.0066845

親歷古城無限風光! #清邁酒店住宿優惠
>> https://booki.ng/2E4SRf9