JJ market 翟道翟市場自己從出道介紹至今已講過無數次。今次唔再介紹有乜好買改改風格帶大家去食!
基本上係人都知這裡多野買而且多野食,而且通街都有,而每次去到我都會光顧以下這十小檔,就算無買野都會食野。
這只是胡慧沖的喜好及分享未必是必定推介,每人口味總有不同。
(一)梛子雪榚,不是梛子味雪榚而是在小梛皇之上加雪榚,食完雪榚食梛子一舉兩得。
(二)煎醃春蛋,有如普通煎蛋,但mini size,因全是醃春蛋,加胡椒粉及美極味道更加一流。
(三)懷舊雪榚磚:四方大舊homemade雪榚,一舊舊切出來放在小紙杯上,原來這是懷舊泰國雪榚的造法,有多種味道及榴槤味;小紙杯乃偉大發明,不會邊吃雪榚邊溶整污糟手。
(四)新鮮燒蝦:有如大排檔,活水養活蝦,即叫即燒,保養新鮮,不用回家食,在街上邊行邊食都可以。
(五)泰潮豬利:店主豬利妹與老公豬利哥,買豬利已有30多年,除了豬利更有其他豬鹵味,在曼谷算最好味,豬利60銖一袋。
(六)古董汽水:汽水都有古董,原來以前未有入口汽水,所飲的汽水需自己打氣,先揀味道,再加冰,之後打氣,氣從飛機尾條喉噴出。
(七)炭燒豬頸肉:這裡有不少東北部的小販在開檔,東北最有名燒豬頸肉,有個檔口即叫即燒,肥美多肉,不加任何醬汁都已經好好味。
(八)土以其口感雪榚:又係雪榚,大大篤的雪榚由土以其店主示範就如做真人騷般即場表演,雪榚煙un,可以咬,果真與眾不同雪榚都有口感。
(九)功夫拉茶:來自馬來西亞的拉茶,如表演功夫般,三壺齊下都仲可以,沖出來又幾滑和味濃。
(十)一鴨幾味,鹵水鴨肉,鴨腎,鴨腸,樣樣有齊,仲要係串住賣,方便邊行邊食。
基本上單吃以上十樣已經夠飽,其他炒河,海南雞飯,豬手飯一慨可以不理,我說的。