今時今日開餐廳只係靠食物似乎還未夠，如果餐廳內有打卡位，裝修設計有 gimmick 分分鐘令生意倍增。話晒都係相機食先嘅年代，一眾餐廳老闆們都搞搞新意思，好似呢間係曼谷 King Power Rangnam 附近的餐廳 Kay's Boutique Breakfast。

餐廳名字有個 breakfast，但其實也不是只賣早餐，雖然確實是晨早六點半就開門，但你中午過來食個 lunch 也是可以的。

價錢也不算貴，例如一份漢堡伴沙律薯菜230銖，英式早餐大大份亦是230銖有交易，也有意粉、pancake 甜品，造型賣相精緻用心，影相呃 like 唔失禮。

但數到最特別之處就係內有乾坤！原來餐廳裡面有個打卡位，整面牆都係花花，係幾乎四面牆都係！不少女士們都爭相在花牆前影相留念放上 fb ig，以至於不少檯面上都只有食物沒有人，真係 Amazing！

而且天花是玻璃窗，透著日光，影相效果就更靚更好！

位置就在 King Power Rangnam 再向內街行，正正在 K Maison Boutique Hotel 的對面。