話說在距離清邁古城塔佩門大約15分鐘路程之處，有一間小小的咖啡店，裡面有一種既奇怪又可愛的小動物，搞到中外遊客都又驚又喜，究竟係乜東東呢？

原來是一間動物 cafe，但並非貓貓狗狗咁正路，而係刺蝟bb！店主在咖啡店內飼養了幾隻刺蝟仔，手掌咁大隻，有人覺得非常可愛，亦有人覺得好奇怪，但採訪當日現場所見，不少西方遊客都同刺蝟仔玩得不亦樂乎。

除了刺蝟BB，還有幾隻毛茸茸的天竺鼠，受歡迎程度同刺蝟BB不相伯仲。據店主所講，平時都有不少家長帶小朋友來玩，親近一下小動物。各位家庭客下次不妨來這裡飲杯野，比小朋友玩下。

想親近刺蝟仔，可以選擇套餐，160銖包一杯飲品，或再加80銖多一件蛋糕。店員會給你一碗蟲仔，要來餵刺蝟，或者草葉餵天竺鼠。當然你只入來飲咖啡，食鬆餅也可以。

店內也有一些刺蝟BB的周邊商品發售，都幾 cute 㗎！而且環境乾淨整齊，下午無聊過來 hea 下都唔錯。如果有興趣，下次去清邁記得來探下刺蝟仔喇！

餵食小動物時請遵守店員指示。