素食來說其實在清邁的選擇也不少，而 Goodsouls 在清邁則少有名氣，特別是在西方遊客中口耳相傳，甚多西方人來光顧，注重健康或素食的朋友，可以 bookmark 記低！

素食給人的感覺第一當然是健康啦，但有不少人都覺得食唔飽，全部都係菜，食完好似好空虛。其實不然，當日去採訪所食的也不是特別多，不過就依然有飽肚感。

Goodsouls 在製作食物方面相當用心，例如會有一些仿造肉食的食物，造型同肉類幾乎沒有分別。好似漢堡扒，驟眼睇真係以為係豬肉牛肉，但其實係蘑菇，混合洋蔥番茄等材料，配上薯條，味道相當不錯。另外泰北炸麵就減去了雞腿，同樣以蘑菇為主要食材，都幾清新。

餐廳還有 all day breakfast 供應，種類選擇有十多款；沙律，麵食如 pad thai，主菜如漢堡、捲餅等等都有；也有一種中東的鷹咀豆 falafel 小食，咁多選擇難怪西方遊客十分喜歡。

仲有蛋糕咖啡甜點等，所以無論你係來食 tea，食 all day breakfast 或者食正餐，Goodsouls 都可以滿足你。朝早七點就開門，偶爾一餐素食清清腸胃也無妨。

地點都方便，靠近古城北門，地址：https://goo.gl/maps/jk8mgG9LQJ72