憑著實力和不斷創新，Nara 泰菜餐廳已連續多年奪得最佳泰菜餐廳獎項，芭堤雅新商場 Terminal 21 又點會少了他們一份，即刻同大家睇睇有咩新菜色！

由 4:20 開始介紹餐廳

最馳名的要數咖喱炒蟹，可以說是例牌必食。蟹肉鮮甜味美，配上咖喱醬汁可以食幾碗白飯。想食辣的也可以點胡椒炒蟹，同樣惹味。魚方面有泰式檸檬蒸魚，雖然不是特別菜色，但是 Nara 別出心裁，將魚刺魚骨去掉，每口都啖啖肉，小朋友食都 ok！

另一味望落像冬蔭功蒸魚，其實是特調湯底，酸酸辣辣，很開胃的。青口食落都新鮮，而且大大隻。此外又有豬骨湯，超大條豬骨，湯底十分濃，比得上廣東老火湯。

飲品方面有一杯紅蘿蔔BB特飲很有特色，口感也不錯。甜品亦都拿手，Tum Wan 雪糕配炸椰絲，香脆美味。另一款傳統泰式糖水，有望落似湯圓的雜果，清甜健康。

餐廳還有售自家製香料小食，要來做手信也是不錯的選擇。地點在芭堤雅T21二樓，即是東京主題一層。