小女子呢排真係好忙， promise了胡兄寫遊記都係寫左五日咁大把， 仲有四大日未寫。 不過， 而家講少少感想啦。

  (1)布吉的burasari確實係不錯的選擇， 最主要係地點方便， 超近patong beach， 但又唔會太嘈， 因為間resort在橫街內， 附近又冇露天pub之類， 好靜! 價錢又平， 大概300幾至400有交易。

  (2)koh khai真係好多魚， 我拎住d面包佢地成堆魚就狂衝埋來， 人一落水佢地就跟。

  (3)有病唔使怕， 雖則泰國好似冇乜診所， 但似大陸有超多葯房， 有病就入去同個葯房姐姐哥哥講， 佢地真係幫到你的。 我就係試過醫好了。

  (4)曼谷的士佬普遍都ok， 我遇唔少都係主動用meter， 我講都冇講。 但要小心， 唔知點解一到夜晚九點十點， 想坐架用meter的的士係一件難事， 有錢都唔想載你， 或者呢個係tuktuk時間吧。 我呢d唯有揀坐tuktuk自己講價。

  (5)bed supper club確實係幾gimmick， 對於旅客真係唔錯， 來一次半次ok的， 平民local嘛， 價錢根本afford唔起。 食一餐三道fusion菜， 要bahts790未計charge啊。 味道嘛， 前菜我就不太欣賞， 但main course同desert都ok。 或者佢地知道呢度主要serve旅行， 所以在九點左右就整左個show出來， 係好有泰國文族色彩的木偶公仔show， 跳晒舞咁， 我仲同d公仔影相呢。 所以去食飯的記住唔好咁早走啊， 坐耐d有野睇架， 我見兩桌香港人都係九點前走了， 走寶啦。

  (6)cest' bon確實係高級野， 位於酒店停車場附近， 我仲以為係附屬酒店呢， 但胡兄話唔係架喎。 食佢九道菜， 道道都幾好食， 不過唔好諗住食得好飽， 法國餐係隻碟大架咋， 野食嘛， 少份量而已。

  (7)vertigo即banyantree頂樓間餐廳， 真係正到暈， 一上去風幾大架， 所以根本唔需要擔心會好熱露天冇冷氣。 一路食一路望全曼谷的夜市， 真係覺得自己好yuppie。 野食主要係bbq類， 味道幾好， service就一流架啦， 五星級大酒店喎。 埋單時仲每人送一份vertigo自製的朱古力俾你留念。 不過大家記住唔好踢拖背心入場啊。

  (8)大家都應該知道fuji係一間幾好食的日本餐廳， 但我自己有一間寵兒， 一年前去bkk時已經愛上， 今次再去多次， 在silom路上， bodytune o個頭附近， 裝修以白紅為主的， 間野英文好似叫tapailamin， 我自己翻譯成大班拉面， 好好食d壽司， 價錢又唔太貴， 我見到唔少當地人入去食架。

  (9) 買野shopping最好去siam centre or siam discovery centre or central， 因為呢三個大型商場都有discount俾tourist， 慳得就慳嘛。

  (10) 與胡兄於bkk短聚時得知， bkk有意起個新機場， 但距離市中心有三小時的車程， god…係咁就煩lor。

  (11) 大皇宮的玉佛寺真係好值得大家去， 我算係年青人， 都覺得好應該去， 之前去過都要再去， 因為d建築物真係好靚， 影相一流。

  (12) 翟道翟已經變了好多， 起碼同我一年前去已經好唔同， section與section之間的路冇晒車泊o係度， 條路好好行， 又有免費車載你去唔同的section。 不過我地呢d瘋狂購物狂， 點知坐實， 自己逐間行就會， 不過一定一定要帶毛巾， 去到要買把扇， 真係好焗， 呼吸幾困難。

  (13) 而家好多餐廳都cannot影相， 拍dv更加冇可能啦。 所以要影相唔好咁高調啦， 偷偷地唔好用閃燈啦。

  (14)真係好羨慕之前位網友的女友， 居然抽中機票， 我連個發光襟針都抽唔到啊。

  by dullmoron